"Барселона" кеча "Реал"ни мағлуб этгач, Ла лигада чемпионлик учун курашиш учун назарий имконият юзага келди. Айни пайтда "Қироллик клуби" 2-ўриндаги "Севилья"дан 9 очко, 3-поғонадаги "Барса"дан 12 очко олдинда боришмоқда. Каталонияликлар ҳисобида битта "Райо Вальекано"га қарши қолдирилган ўйин бор. Жамоа бу баҳсда ғалаба қозонса, "Қироллик клуби" билан орадаги фарқни яна 3 очкога қисқартиради.

Испания чемпионатида мавсум охирига қадар "кўк-анорранглилар"ни 10та баҳс кутиб турибди. Жамоа чемпионликни қўлга киритиши учун барча ўйинларда ғалаба қозонган ҳолда, "Реал"нинг 9 очко йўқотишига умид қилади (очколар тенг келиб қолса ўзар ўйинлар натижасига кўра "Барса" "Реал"дан устун бўлади). "Барселона"нинг мавсум охиригача қолган ўйинларига назар ташласак, клубни "Севилья", "Реал Сосьедад", "Бетис" ва "Вильярреал" каби қийин рақибларга қарши учрашувлар кутиб турганига гувоҳ бўламиз.

30-тур. 03.04.2022. Барселона - Севилья
31-тур. 10.04.2022. Леванте - Барселона
32-тур. 17.04.2022. Барселона - Кадис
33-тур. 20.04.2022. Реал Сосьедад - Барселона
34-тур. 01.05.2022. Барселона - Мальорка
35-тур. 08.05.2022. Бетис - Барселона
36-тур. 11.05.2022. Барселона - Сельта
37-тур. 15.05.2022. Хетафе - Барселона
38-тур. 22.05.2022. Барселона - Вильярреал
21-турнинг қолдирилган ўйини. Барселона - Райо Вальекано (муддати номаълум)