"Вулверхэмптон" дарвозабони Жосе Са жароҳат олган Антони Лопес ўрнига Португалия терма жамоасига чақирилди. Дарвозабон ҳали терма жамоа сафида бирорта ҳам ўйин ўтказмаган.
24-март, пайшанба куни Португалия терма жамоаси Жаҳон чемпионатига чиқиш учун Туркия билан плей-офф ўйинини ўтказади.
Португалияликлар Пепе, Рубен Невеш, Рубен Диас ва Нелсон Семеду каби бир қанча асосий таркиб футболчилари учрашувни ўтказиб юборишади.
Турклар устидан ғалаба қозонган тақдирда Португалия терма жамоаси финалда Италия - Шимолий Македония жуфтлиги ғолиби билан тўқнаш келади.
