Таиландда байдарка ва каноэда эшкак эшиш бўйича Осиё чемпионати бошлангани ҳақида хабар берган эдик. Спортчиларимиз куннинг иккинчи ярмида ҳам муваффақиятли иштирок этиб, яна 6 та медалга сазовор бўлишди.

Ёш каноэчиларимиздан тузилган тўртлик экипаж ўз ёш тоифаларида барча рақибларини ортда қолдириб, олтин медалга сазовор бўлди. Шунингдек, жамоамиз ҳисобига яна 4 та кумуш ва 1 та бронза медаллари ҳам ёзиб қўйилди. Бугунги куннинг сўнгги дастурларида шоҳсупага кўтарилган спортчиларимиз:

Катталар, кумуш медаль:
С-4: Нурислом Тўҳтасин ўғли, Элёржон Мамадалиев, Артур Гулиев, Владлен Денисов
К-1: Екатерина Шубина
К-4: Шоҳруҳбек Азамов, Вильям Ибрагимов, Самандар Ҳайдаров, Шаҳриёр Маҳкамов

Бронза:
С-2: Владлен Денисов, Герасим Кочнев

Ёшлар, олтин медаль:
С-4: Самандар Набиев, Муҳаммадали Мирисманов, Азимжон Сотиболдиев, Камолиддин Раҳматуллаев

Кумуш медаль:
К-2: Ксения Ивлиева, Дилшода Абдураҳмонова

Эслатиб ўтамиз, куннинг биринчи ярмида спортчиларимиз 5 та олтин, 5 та кумуш ва 1 та бронза медалларини қўлга киритишган эди. Шу тариқа, бугун жамғарилган медаллар 6 та олтин, 9 та кумуш ва 2 та бронзани ташкил этмоқда.

Маълумот учун, барча йўналишлар 1000 метр масофага ўтказилди. Ёшлар тоифаси 18 ёшгача бўлган спортчилар ўртасида ташкил этилди.