Португалиялик ҳужумчи Криштиану Роналду жаҳон чемпионатига чиқишни мақсад қилган ва Португалия пайшанба куни Туркияни мағлуб этиб, биринчи қадамни қўйди. Роналду гол ура олмаганига қарамай, учрашувдаги бу натижадан мамнун. У Португалияни Шимолий Македония термаси билан тўқнаш келадиган финалга олиб чиққан ўйин натижасига изоҳ берди.
"Бу якуний ғалаба бўлмаса-да, мақсад сари биринчи қадам, у аллақачон қўйилган. Биз ишлашда давом этишимиз ва рақибга жиддий қарашимиз, шу билан бирга ўзимизга ишонишимиз керак. Биз Қатарга кетяпмиз. Португалия!" - деб ёзди Роналду ижтимоий тармоқда.
