Серхио Рамос икки ой ичида илк бор "ПСЖ" сафида ўйнаши мумкин.
Le Parisen хабарига кўра, чоршанба куни 36 ёшга тўладиган марказий ҳимоячи бугун умумий гуруҳ билан машғулот ўтказди. Испаниялик футболчи 3 апрель куни бўлиб ўтадиган Лига-1'нинг 30 туридан ўрин олган "Лорьен"га қарши ўйин учун "ПСЖ" қайдномасига кириши мумкин.
Эслатиб ўтамиз, Рамос сўнгги бор 23 март куни "Реймс"га (4:0) қарши ўйинда иштирок этган эди.
Жорий мавсумда “Реал”дан эркин агент мақомида “ПСЖ”га ўтган футболчи Франция клуби сафида барча мусобақаларда 5 та ўйинда майдонга тушиб, 1 та гол уришга эришди.