«Барселона» президенти Жоан Лапорта Испания чемпионатида ғалаба қозониш истаги борлигини маълум қилди.
"Мен Ла Лигада ғалаба қозонишни хоҳлайман. Мен иккинчи бўлишни хоҳламайман. Ишонч билан айтаман – жамоамиз чемпионликни қўлга кирита олади, биз турнирнинг сўнгги босқичига яхши формада келдик.
Мураббий ҳамма нарсани кинодагидек қилади. Хави камолга етди, у менга етук мураббий сингари кўринмоқда. Хави оиламизнинг бир қисми, у жуда оптимист.
Хави қанча вақт хоҳласа, шу ерда бўлади. У хушчақчақ ва ҳар доим "Барселона" учун энг яхшисини хоҳлайди. Ўйлайманки, у узоқ йиллар биз билан бирга бўлади”, - деди Жоан Лапорта.
