Нигерия футбол федерацияси Африка Футбол Конфедерасияси (CAF) допинг бўйича вакили, шифокор Жозеф Кабунгонинг ЖЧ—2022 саралаши доирасидаги Нигерия ва Гана (1:1) терма жамоалари ўртасидаши учрашувдан кейин юзага келган тартибсизлик натижасида вафот этгани ҳақидаги хабарларни рад этди. Бу ҳақда Goal портали хабар тарқатмоқда.
Баёнотда айтилишича, Кабунго Гана терма жамоасининг кийиниш хонаси ёнидан топилган, у калтакланмаган, аммо юрак тўхтаб қолиши натижасида вафот этган.
«Доктор Кабунго бирдан бўғилиб қолди. Угандалик ФИФА хавфсизлик хизмати ходими ҳам воқеага гувоҳ бўлган. Биз уни зудлик билан жонлантиришга ҳаракат қилдик, аммо натижа бермагач, уни тез ёрдам машинасига жойлаштирдик ва Аподаги касалхонага етказдик, бироқ, у ерда вафот этди», — деди федерация бош котиби Муҳаммад Санусий.
