Франция 3-дивизионида иштирок этувчи камтаргина "Кевильи" клуби келаси мавсумда Европа лигаси баҳлсарида иштирок этишга яқин турибди.
Франция кубогида катта шов-шув кўтарган жамоа ушбу мусобақа финалига қадар етиб келганлиги ҳақида хабарингиз бор. Франция кубоги финалида жамоа "Лион" билан баҳс олиб боради.
Албатта, финалда "Лион"нинг имкониятилари анча юқори. Аммо, ушба баҳсда "Кевильи" мағлубиятга учрайдиган бўлсада, келаси мавсумда Европа лигасида иштирок этишга яқин турибди. Сабаби, "Лион" франция чемпионатида 3-ўринни қўлга киритб, тўғридан-тўғри Чемпионлар лигаси гуруҳ босқичига чиқишга яқин турибди.
Франциянинг жанубидаги кичкинагина шахарча бўлмиш Кевильи, келаси мавсумда ўз майдонида европанинг бир қатор кули клубларини қабул қилиш имконига эга, жамоа мухлислари эса илк маротаба ўз жамоаларини катта ўйинларда қўллаб-қувватлашга тайёр эди. Аммо куни кеча клуб раҳбарияти ҳаммани ажаблантирган қарорини эълон қилди.
Ушбу клуб раҳбарияти агар жамоа келаси Европа лигасида тўп суриш имконига эга бўлсада, ундан воз кечмоқчи.
"Бизнинг ушбу мусобақада иштирок этишимизга кўп нарса тўсқинлик қилади. Қолаверса, УЕФА ҳам бизни ушбу мусобақага қўймаслиги мумкин. Ўз бағрига 5000 кишини сиғдира оладиган кичкинагина стадионимиз талабга жавоб бермайди. Хуллас жамоада катта инқилобни амалга оширишимиз керак. Бунга эса вақтимиз ҳам, қурбимиз ҳам етмайди"
"Бизга Франция Футбол Федерацияси ҳар қандай амалий ёрдам кўрсатишга тайёр эканлигини билдирди. Бундан албатта ҳурсандмиз. Аммо биз европа майдонларида ўз мамлакатимиз шаънини ерга уришни истамаймиз. Жамоамиз гуруҳ баҳсларидан чиқа олмаса, биз ёмон иштирок этсак, бизга ҳам, мамлакатимиз футболига ҳам катта зарар"
"Биз ўз кучимизни биламиз, шунинг учун мухлислардан узр сўраймиз", - дейди жамоа президенти Мишель Майе
