«ПСЖ» Килиан Мбаппени жамоа сардори қилиш ҳақида ўйламоқда, деб хабар беради L'Equipe
Ҳозирда сардорлик вазифаси бразилиялик ҳимоячи Маркиньосга юкланган.
Мбаппе 2017 йилдан бери «ПСЖ» сафида тўп суради. Франция чемпионатининг жорий мавсумида 23 ёшли ҳужумчи 26 та ўйинда майдонга тушиб, 15 та гол ва 10 та голли узатмани амалга оширди.
Франциялик ҳужумчининг парижликлар клуби билан шартномаси шу йилнинг ёзида якунига етади. Трансфермаркт Мбаппени 160 миллион еврога баҳоламоқда.
Олдинроқ футболчига «Реал»дан қизиқиш борлиги ҳақида хабарлар тарқалган эди.