Мюнхеннинг "Бавария" клуби бош директори Карл-Хайнц Руммениггенинг таъкидлашича, клубнинг голландиялик яримҳимоячиси Арьен Роббен клуб билан амалдаги шартномасини узайтирар экан.
"Бир нарсага кафолат беришим мумкинки, ёзда жамоамизнинг энг асосий юлдузларидан бир бўлган футболчи жамоадан кетмайди. Роббен билан янги шартнома шартлари аллақачон келишилган тез орада у расман имзоланади", дейди Румменигге Bild нашрига берган интервьюси чоғида.
Эслатиб ўтамиз, Роббен яқинда клуб билан 2015 йилга қадар мўлжалланган шартнома бўйича келишиб олганди. Бироқ унинг клубдоши Франк Рибери уни "Ювентус"га ўтиши борасида шубҳаси борлигини гапириб ўтганди.













