"Ювентус" мураббийи Антонио Конте Италия "А" Сериясининг 36 турида ўз майдонида "Лечче"га қарши ўтган ўйин (1:1) да очко йўқотилганидан хафа эканлигини билдирди.

"Жуда ҳам афсусдаман, лекин футболда шунақаси ҳам бўлиб туради. Таассуфлар бўлсинким, ўйиндаги устунликдан фойдаланиб, ғалаба сақлаб қола олмадик. Агар ғалаба қозонганимизда бу Скудетто учун муҳим қадам бўлради. Лекин қўрқинчли нарса содир бўлгани йўқ. Энди мавсумнинг қолган икки икки учрашувида ғалаба қозонишимиз шарт. Унутмаслик керакки, "Ювентус" жорий мавсумнинг 36-туридан буён мағлубият нималигини билмай келаётир, инчунин, биз кўп нарсага эришиб бўлдик" – деди Конте клуб расмий сайтига берган интервьюсида.