"Кёльн" ҳужумчиси Лукас Подольски клуб ҳақли равишда иккинчи немис Бундеслигасига тушиб кетганини айтиб ўтди.
"Биз сўнгги ўйинда тушиб кетганимиз йўқ. Бундай муваффақиятсизликларга жамоада сўнгги ойлар ва ҳафталарда бўлиб ўтаётган воқеалар сабаб бўлди.
Таассуф билан тан олиш керакки, бунча мағлубият ва ўтказиб юборилган тўплар билан "Кёльн" Бундеслигада қолишга сира ҳақли эмас эди", – дея унинг сўзларидан иқтибос келтиради Goal.com.
Қўшимча қилиб ўтиш жоизки, Подольски янги мавсумни Лондоннинг "Арсенал" клуби сафида бошлайди.
