Ўзбекистон Олий лигасининг 7-турида "Пахтакор" меҳмони бўлиб, мағлубиятга учраган "бургутлар" устози ўз фиклари билан ўртоқлашди.
Александр Аверьянов: - Бугун жуда қўпол ўйин бўлди. Футболчиларим кўрсатмаларни деярли бажармадилар. Кўплаб ҳужумларимиз ярим ҳимояниyu ўзидаёқ узилиб қолди. Ўйинчиларимизда тажриба етишмади. Шишеловда бир-икки вазият бўлди. Ҳимоядагина яхши ўйнадик. Ўтказиб юборилган голда эса дарвозабоннинг ҳам айби бор. У бизни қутқара олмади. Ҳакам эса футболчимни четлатишда хато қилди деб ўйлайман.
- Сиз айтган вазиятда ҳуштакдан сўнг футболчингиз тўпни чиқариб юбормади, атайлаб тепди. Мен ҳам футболчи бўлганман, бу қоидада ёзиб қўйилган - қизил карточка деб.
- Бу гапингиз тўғри, мен футболчи билан гаплашиб қўяман. Лекин, менимча, қизил карточка кўрсатмаса ҳам бўлар эди.
- Бугун Владимир Шишелов ёлғизланиб қолди ва жамоа ҳужум уюштиришда довдираб қолгандек туюлди, шундайми?
- Мен ўйиндан олдин айтган эдим, “Пахтакор”дан қўрқиш керак эмас деб. Лекин бундай бўлмади. “Пахтакор”нинг салобати босди. Натижада марказда уч ярим ҳимоячидан фойдаланганим ҳам самара бермади. Ҳужумларимиз деярли кескин тус олмади.
