"Бавария" бош мураббийи Юлиан Нагельсманн жамоа ҳужумчиси Роберт Левандовски билан шартномани узайтириш борасидаги музокаралар ҳақида гапирди.
“Мен билганим шуки, жамоа раҳбарияти Робертнинг агенти билан ижобий музокара олиб борди. Биз ҳаммамиз биламизки, Захави музокараларни яхши кўради.
Бизга бироз сабр-тоқат керак, сабр-тоқат эса менинг энг кучли фазилатларимдан биридир", - дея Нагельсманнинг сўзларидан иқтибос келтирган журналист Фабрицио Романо.
Аввалроқ, польяк жорий мавсум якунида "Бавария"ни тарк этиши мумкинлиги ҳақида хабарлар тарқалган эди.
Ҳужумчи хизматларига Испаниянинг “Барселона” клуби қизиқиш билдирмоқда.
