"Манчестер Юнайтед" устози Ральф Рангник мавсумнинг "Олд Траффорд"даги сўнгги ўйинида Жесси Лингардга имкон бермаганини изоҳлади. У шундай дейди:
"Умуман олганда, менинг давримда Лингард аввалгидан кўра кўпроқ имконга эга бўлмоқда. Иккинчидан эса "Челси"га қарши ўйин олдидан Лингард менга оилавий муаммолар сабаб умумий машғулотларда қатнашмасликни сўраган. Менда эса "Брентфорд"га қарши марказий ҳужум учун учта танлов бор эди. Мен Кавани, Лингард ёки бўлмасам ёш Гарначони танлашим керак бўлган. Кейин эса Каванидан фойдаланишга қарор қилдим. Бор гап шу".
Эслатиб ўтамиз, "қизил иблислар" кейинги баҳсни "Брайтон" майдонида ўтказади.
