Криштиану Роналду ўзининг собиқ устози Сер Алекс Фергюсон билан "Манчестер Юнайтед"даги келажаги ҳақида суҳбатлашди.
“Қизил иблислар” мавсумда омадсизликка учради, Премьер-лигада тўплаган очколар бўйича шахсий антирекордларини янгилади ва Чемпионлар лигасига чиқиш имкониятларини йўқотди.
Роналдунинг келажаги сўроқ остида қолмоқда, аммо 37 ёшли португалияликнинг ўзи ҳали унинг режалари ҳақида фикр билдирмаган. Mirror хабарига кўра, ҳужумчи аллақачон сер Алекс Фергюсон билан шахсий суҳбатда бўлган ва у "Манчестер Юнайтед"нинг афсонавий собиқ бош мураббийи билан келажакда клубда қолишини муҳокама қилган.
Криштиану Роналду жорий мавсумда “Юнайтед” сафида барча турнирларда 38 та ўйинда майдонга тушиб, 24 та гол урди. Португалияликнинг клуб билан шартномаси келаси йилнинг ёзига қадар тузилган.
