Krishtianu Ronaldu o‘zining sobiq ustozi Ser Aleks Fergyuson bilan "Manchester Yunayted"dagi kelajagi haqida suhbatlashdi.
“Qizil iblislar” mavsumda omadsizlikka uchradi, Premyer-ligada to‘plagan ochkolar bo‘yicha shaxsiy antirekordlarini yangiladi va Chempionlar ligasiga chiqish imkoniyatlarini yo‘qotdi.
Ronalduning kelajagi so‘roq ostida qolmoqda, ammo 37 yoshli portugaliyalikning o‘zi hali uning rejalari haqida fikr bildirmagan. Mirror xabariga ko‘ra, hujumchi allaqachon ser Aleks Fergyuson bilan shaxsiy suhbatda bo‘lgan va u "Manchester Yunayted"ning afsonaviy sobiq bosh murabbiyi bilan kelajakda klubda qolishini muhokama qilgan.
Krishtianu Ronaldu joriy mavsumda “Yunayted” safida barcha turnirlarda 38 ta o‘yinda maydonga tushib, 24 ta gol urdi. Portugaliyalikning klub bilan shartnomasi kelasi yilning yoziga qadar tuzilgan.
