"Атлетико" президенти Энрике Сересо бугунги дербида "Реал"ни чемпионлик йўлакчасида кутиб олиш ҳақидаги хабарларга изоҳ берди.
Эслатиб ўтамиз, сўнгги турда "қироллик клуби" муддатидан аввал ўзининг Ла Лигадаги 35-чемпионлигини расмийлаштирган эди.
"Реал" учун чемпионлик йўлакчаси мухлисларни қандай хафа қилишларини тушунмаяпман. Ўйлайманки, "Реал"ни чемпионлик йўлакчасида кутиб олмасак, уларга нисбатан ҳурматсизлик қилган бўламиз", - деди Сересо Marca билан суҳбатда.
"Атлетико" ва "Реал" ўртасидаги Мадрид дербиси "Wanda Metropolitano" стадионида Тошкент вақти билан 00:00да бошланади.
