"Барселона" Жорди Альбани "Ювентус" ҳимоячиси Маттейс де Лигтга алмаштириши мумкин.
Каталония клуби ёзги трансфер мавсумида туринликлардан футболчини сотиб олишни мақсад қилган, аммо "Ювентус" талаб қилаётган нархни тўлашга қурби етмайди. Шу сабаб билан “кўк-анорранглилар” келишувга Жорди Альбани қўшиш имкониятини кўриб чиқмоқда, деб хабар беради Calciomercato. "Барселона" чап қанот ҳимоячисини алмаштиришга ва қўшимча 50 миллион евро тўлашга тайёр.
Маълумот ўрнида, Де Лигт жорий мавсум А Серияда 29 та ўйинда майдонга тушиб, 3 та гол ва 1 та голли узатмани амалга оширди.
