"Barselona" Jordi Albani "Yuventus" himoyachisi Matteys de Ligtga almashtirishi mumkin.

Kataloniya klubi yozgi transfer mavsumida turinliklardan futbolchini sotib olishni maqsad qilgan, ammo "Yuventus" talab qilayotgan narxni to‘lashga qurbi yetmaydi. Shu sabab bilan “ko‘k-anorranglilar” kelishuvga Jordi Albani qo‘shish imkoniyatini ko‘rib chiqmoqda, deb xabar beradi Calciomercato. "Barselona" chap qanot himoyachisini almashtirishga va qo‘shimcha 50 million yevro to‘lashga tayyor.

Ma’lumot o‘rnida, De Ligt joriy mavsum A Seriyada 29 ta o‘yinda maydonga tushib, 3 ta gol va 1 ta golli uzatmani amalga oshirdi.