Махачқалъанинг “Анжи” клуби яримҳимоячиси Одил Аҳмедов “Зенит”га қарши учрашув ниҳоясига етгач, ўйин борасида ўз фикрларини билдириб ўтди.
“Биз бугун ҳимояда ўйнаб ғалаба қозонмоқчи эдик. Биз бешинчи ўринни яхшилашимиз мумкин эди. Бироқ энг муҳими мавсум бошида қандай қилиб бўлмасин, еврокубокларда иштирок этиш ҳуқуқини қўлга киритиш вазифасини бажардик. Бу мавсумда эса Гуус Хиддинк зиммасига бунданда жиддий вазифа қўйишларига шубҳа қилмайман”, дейди Аҳмедов “Советский Спорт” нашрига берган интервьюси чоғида.













