Лондоннинг "Арсенал" клуби футболчиси, айни пайтда Санкт-петербургнинг "Зенит" клуби сафида ижара асосида тўп сураётган Андрей Аршавин, ЕВРО-2012 турнири якунлангач яна премьер-лигага қайтиши ва Лондоннинг бошқа бир жамоаси "Фулҳэм" таркибида мавсумни бошлаши мумкин.
«Советский спорт» нашрининг маълум қилишича, "Фулҳэм" бош мураббийи Мартин Йол Аршавинга жиддий равишда қизиқиш билдирган.
Россия суперкубоги учун баҳс ўз якунига етгач, Аршавин яна "Арсенал" сафига бориб қўшилиши кўзда тутилган.
Канонирлар устози Арсен Венгер эса уни жамоада келаси мавсумда ҳам олиб қолиш нияти йўқлигини билдирган.
Аршавиннинг Лондонликлар билан тузилган шартномаси 2013 йилда ўз ниҳоясига етиши кўзда тутилган бўлсада, "Арсенал" уни яна бирор бир жамоага ижарага беришни мўлжаллаб турибди, дейилади «Советский спорт» нашрида чиққан хабарларда.
