Ҳужумкор ярим ҳимоячи Жоау Феликс Мадриднинг "Атлетико"сидан "Барселона"га ўтиши мумкин. Бу ҳақда АS саҳифаларида хабар берилган.

Манбанинг хабарига кўра, клублар раҳбарлари йиғилиш ўтказиб, унда 22 ёшли футболчининг трансфери масаласи муҳокама қилинган. Феликснинг ўзи "Камп Ноу"га ўтишга қарши эмас.

Жоау “матрасчилар” сафига 2019 йилнинг ёзида келиб қўшилганди. Унинг учун мадридликлар 126 миллион евро тўлаган. Transfermarkt маълумотларига кўра, унинг ҳозирги нархи 70 млн.

Португалияликнинг "Атлетико" билан шартномаси 2025/2026 йилги мавсум охиригача мўлжалланган.

Феликс жорий мавсумда 34 та ўйинда майдонга тушиб, 10 та гол урди ва 6 та голли узатмани амалга оширди.