Hujumkor yarim himoyachi Joau Feliks Madridning "Atletiko"sidan "Barselona"ga o‘tishi mumkin. Bu haqda AS sahifalarida xabar berilgan.

Manbaning xabariga ko‘ra, klublar rahbarlari yig‘ilish o‘tkazib, unda 22 yoshli futbolchining transferi masalasi muhokama qilingan. Feliksning o‘zi "Kamp Nou"ga o‘tishga qarshi emas.

Joau “matraschilar” safiga 2019 yilning yozida kelib qo‘shilgandi. Uning uchun madridliklar 126 million yevro to‘lagan. Transfermarkt ma’lumotlariga ko‘ra, uning hozirgi narxi 70 mln.

Portugaliyalikning "Atletiko" bilan shartnomasi 2025/2026 yilgi mavsum oxirigacha mo‘ljallangan.

Feliks joriy mavsumda 34 ta o‘yinda maydonga tushib, 10 ta gol urdi va 6 ta golli uzatmani amalga oshirdi.