Италия А сериясининг 37-тури якунларига кўра, “Женоа” клуби Италия А Серияда қолиш имкониятидан маҳрум бўлди.
“Наполи” жамоасидан 0:3 ҳисобидаги мағлубиятдан кейин генуяликларнинг қуйи лигага тушиб кетишлари аниқ бўлди. Назарий жиҳатдан «Женоа» тўплаган очколари сони бўйича барибир «Салернитана»га етиб олиши мумкин, аммо ўзаро учрашувлардаги салбий статистика туфайли рақибни ортда қолдира олмайди.
"Женоа" ўн беш йилдан бери А Серияда иштирок этмоқда. Клуб тўққиз марта Италия чемпиони унвонини қўлга киритган, аммо охирги марта бу деярли юз йил олдин - 1924 йилда бўлган. Клуб сўнгги совринни 1937 йилда қўлга киритган - бу Италия кубогидаги ғалаба эди.
