Италиянинг “Милан” клуби хўжайинини ўзгартириши мумкин. Американинг RedBird Capital Partners сармоя компанияси Европа футболи учун курашга киришди. Бу ҳақда MilanNews.it сайти хабар бермоқда.

Манбанинг таъкидлашича, "Милан"нинг потенциал янги эгаси 1,3 миллиард евро эвазига клуб билан хайрлашишга тайёр. Бундан ташқари, инвестиция компанияси“россонерилар”нинг янги аренасини қуриш учун 500 миллион еврога яқин маблағ ажратади.

Шунингдек, RedBird Capital Partners компанияси "Ливерпуль" клубига эгалик қилувчи Fenway Sports Group компаниясига ҳам сармоя киритади.

Аввалроқ “Милан”ни сотиб олишга асосий даъвогар Баҳрайннинг Investcorp компанияси эканлиги маълум қилинганди. Investcorp “россонерлар” учун тахминан 1,18 миллиард евро тўлашга тайёр эди.