Сербиянинг Белград шаҳрида баскетбол бўйича Евролига 2021/22 йилги мавсумининг ҳал қилувчи ўйинлари 21 май, шанба куни бўлиб ўтди.

Финалда Испаниянинг «Реал Мадрид» жамоаси Туркиянинг «Анaдолу Эфес»га қарши баҳс олиб борди. Дастлабки икки бўлимни испанлар ўз фойдасига ҳал қилди ва беш очко олдинда эди, бироқ Истанбул клуби кейинги икки бўлимда вазиятни ўз томонига оғдириб, ғалабани илиб кетди.

Шу тариқа, «Анaдолу Эфес» қаторасига иккинчи мавсум Евролига ғолиблигини ўзиники қилди.

Учинчи ўрин учун эса «Барселона» ва «Олимпиакос» жамоалари баҳс олиб борди. Унда каталонлар 84:74 ҳисобидаги ғалабани қўлга киритди.

Евролига, 21 май, шанба
Финал баҳси
«Реал» Испания — «Анaдолу Эфес» Туркия 57:58 (15:14, 19:15, 8:11, 15:18)

Учинчи ўрин учун баҳс
«Барселона» Испания — «Олимпиакос» Греция 84:74 (20:18, 25:20, 17:18, 22:18)