"Челси" клуби бош мураббийи вазифасини бажарувчи Роберто Ди Маттео чемпионлар лигаси финалида "Бавария"га қарши ўйиндан олдин фикрлари билан ўртоқлашди.
"Ўйинчилар финалгача бор имкониятларини ишга солдилар - биз ҳаммамиз, мухлисларимиз Чемпионлар лигасида ғалаба қозонишга лойиқмиз. Бизда ғалаба учун барча хусусиятлар етарли. Мен ўз жамоамга ишонаман.
Эртага футболчиларнинг ўзларига ишончлари муҳим аҳамият касб этади. Улар нималарга қодирликларини эслашлари керак. Таркиб борасидаги қарорга бугун кечаси келаман, йигитларнинг машғулотдаги ҳолатига қараш керак.
Айтишим мумкин, Луиз ва Кейхилл жамоа билан ҳафта давомида шуғулландилар, Малуда бугун сафга қайтади", - дея Ди Маттеонинг сўзларини келтиради "Челси" клубининг расмий твиттери.