Агар "Лион" ўз ярим ҳимоячиси Лукас Пакетани "Ньюкасл"га сотишга қарор қилса, "Милан" келишувдаги сумманинг бир фоизини олади. Calciomercato хабарига кўра, бундай келишув бразилиялик футболчи француз клубига ўтганида "Милан" ва "Лион" ўртасидаги трансфер шартномасида кўрсатилган.
Эслатиб ўтамиз, қишда бразилиялик футболчи "Лион"да бирга тўп тепган собиқ жамоадоши ва ҳамюрти Бруно Гимарайнш ҳам "Ньюкасл"га кўчиб ўтганди. Гимарайнш олти ой ичида 5 та гол ва битта голли узатмани амалга ошириб, Эдди Хоу жамоасининг асосий ўйинчиларидан бирига айлана олди.
Жорий мавсумда Пакета “Лион” сафида Лига 1да 9 та гол урди ва 6 та голли узатмани амалга оширди.
