Ўзбекистон чемпионати 9-туридан ўрин олган Қаршидаги учрашувда кутилмаган натижа қайд этилди. Ўз уйида "Навбаҳор"ни қабул қилган Қаршининг "Насаф" жамоаси сўнгги дақиқаларда ғалабани қўлдан бой берди.
Учрашувнинг 26-дақиқасида Шуҳратбек Мирхолдиршоев Марат Исмоилов томонидан белгиланган пенальтини аниқ амалга ошириб ҳисобни очган бўлса, иккинчи бўлимда фаолликни оширган меҳмонлар 90-дақиқа ниҳоясига етаётган бир пайтда Алишер Маҳмудовнинг жаримадан берган зарбаси натижасида ҳисобни тенглаштирди.
Бу вазиятда зарба йўл-йўлакай ҳеч қайси футболчига тегмагандек кўринди. Бу ҳисоб ўйин сўнггига қадар ўзгармай қолди. Натижада учинчи марта дуранг натижа қайд этган Насаф 8 учрашувдан кейин 18 очко тўплади ва яқин таъқибчилари билан орадаги фарқни узайтириш имкониятини қўлдан чиқарди.
ЎзПФЛ. 9-тур
НАСАФ – НАВБАҲОР 1:1 (1:0)
Голлар: Шуҳратбек Мирхолдиршоев (26) - Алишер Маҳмудов (90)
«Насаф»: Муротжон Зуҳуров, Мақсуд Каримов, Ботир Қораев, Жаҳонгир Жиямуродов, Артур Геворкян, Фозил Мусаев, Иван Бошкович, Эркин Бойдуллаев, Боян Малисич, Кенжа Тўраев, Шуҳрат Мирҳолдиршоев( Илҳом Юнусов )
“Навбаҳор”: Романенко Денис, Тоиров Абдумажид, Меҳмонов Жаҳонгир, Асқаралиев Санжар, Махмудов Алишер, Ирисметов Жафар, Султонов Темур, Почуев Виталий, Бойдадаев, Жўраев Ғайрат, Ҳамидов Собир
Ҳакамлар: М.Исмоилов (Тошкент), М.Шарипов (Бухоро), А.Қўлдошев (Бухоро),
Захира ҳаками: А.Рубаков (Тошкент).
Назоратчи: Ф.Абдуллаев (Тошкент)