"Челси" ҳимоячиси Антонио Рюдигер тез орада "Реал" билан шартнома имзолайди, дея хабар беради журналист Фабрицио Романо.
Манбага кўра, 29 ёшли германиялик аллақачон тиббий кўрикдан ўтган ва ёзги трансфер ойнасида Мадридга келадиган биринчи футболчи бўлади. Футболчи билан шартнома 2026 йилнинг ёзига қадар тузилади.
Рюдигер ўтган мавсумда 54 та ўйинда майдонга тушиб, 5 та гол урди ва 4 та голга ассистентлик қилди. Унинг "Челси" билан шартномаси 2022 йилнинг 30 июнида якунига етади.













