“ПСЖ” ҳужумчиси Лионель Месси “Реал”га қарши Европа Чемпионлар лигасининг ⅛ финал жавоб ўйинини эслади. Бу ўйинда Париж клуби икки тўп фарқи билан ғалаба қозона туриб, якунда устунликни қўлдан бой берди ва умумий ҳисобда 2:3 ҳисобида мағлуб бўлди.
"Бу ўйин мен учун жуда драматик бўлди. Бутун умр бир жойда ўйнаб, кейин жамоага ўтиш ва у ерга тезда мослашиш осон эмас. Мен тезроқ Парижга мослашишим керак эди. Ўйиндан олдин формам яхши эмас эди. Кейин тиззамдан жароҳат олдим, коронавирус ҳам таъсир қилди. Кейин эса "Реал" билан ўйин бўлди. Иккинчи таймда улар бизни шунчаки "ўлдирди", - дея фикр билдиради Месси.
Эслатиб ўтамиз, Лионель Месси жорий мавсум "ПСЖ" билан Франция чемпионлигини қўлга киритди.
