"ПСЖ" ҳужумчиси Лионель Месси "Бордо"га қарши ўйинда мухлисларнинг норозилигига муносабати ҳақида гапирди. Эслатиб ўтамиз, мухлислар Чемпионлар лигасининг ⅛ финалидаги "Реал"га қарши ўйиндан кейин Месси ва Неймарга ўз норозилигини билдирганди.
"ПСЖ" мухлисларининг норозилигини тушунаман. Менга ҳуштак чаладими? Энди бундай бўлмайди. Ўйлайманки, мен ўзгариш қила оламан. Келгуси йил бутунлай бошқача бўлади", - дея Мессининг сўзларини келтирган журналист Адриен Гренье.
Эслатиб ўтамиз, "ПСЖ"даги дебют мавсумида Лионель Месси Франция чемпионатида 6 та гол урди ва 14 та голли узатмани амалга оширди. Аргентиналик футболчи эркин агент сифатида Париж клубига кўчиб ўтди.
