2022 йилги Жаҳон чемпионатининг барча иштирокчилари билан танишишга яна бир қадам яқинлашдик! Украина терма жамоаси Европа плей-офф босқичининг ярим финалида Шотландияни мағлуб этиб, Қатар йўлланмаси учун ҳал қилувчи баҳсга йўл олди. Аммо жаҳон чемпионатига чиқиш учун нафақат украиналиклар курашиши керак бўлади.
Терма жамоаларнинг асосий турнирига чиқиш учун қайси жамоаларда имкон бор?
Европа: Украина ёки Уэльс
Ўйини яқинда якунланган Украинадан бошлайлик. Финалда Украина терма жамоаси март ойида плей-офф ярим финалида Австрияни мағлуб этган (2:1) ва шу вақт давомида бўлажак рақибнинг аниқланишини кутган Уэльс билан тўқнаш келади.
Уэльс ва Украина ўртасидаги ўйин жуда 5 июнь куни бўлиб ўтади ва Тошкент вақти билан соат 21:00да бошланади. Гарет Бэйл ўзининг сўнгги йирик турнирига борадими ёки украиналиклар Шотландия билан ўйинда бўлгани каби гъайрат кўрсатишдими?
Қитъалараро ўтиш ўйинлари: Перу ёки БАА/Австралия. Коста-Рика ёки Янги Зеландия
Бу ерда ҳамма нарса Европа саралашига қараганда анча чалкаш. Перу терма жамоаси узоқ вақтдан бери Жанубий Америка саралаш гуруҳида бешинчи ўринни эгаллаб, плей-оффнинг финалига чиқди, аммо ҳали бўлажак рақиб қайси жамоа эканлигини билмайди. БАА ва Австралия ўртасидаги Осиё плей-офф финали эса қачон 7 июнь куни Тошкент вақти билан 23:00 да бошланиши белгилаб қўйилган.
Перу ҳамда БАА/Австралия жуфтлиги ғолиби иштирокидаги ҳал қилувчи ўйин 13 июнь куни бўлиб ўтади.
Лекин бу ҳаммаси эмас. ЖЧ-2022 учун сўнгги, 32-йўлланма 14 июнь куни ўйналади. Қитъалараро саралашнинг иккинчи финалида Коста-Рика ва Янги Зеландия терма жамоалари тўқнаш келишади. Коста-Рикаликлар Шимолий Америка саралаш гуруҳида тўртинчи ўринни эгаллади. Янги Зеландияликлар эса ўз навбатида Океания номидан плей-оффга йўл олишди.
Коста-Рика ва Янги Зеландия ўйини 14 июнь куни бўлиб ўтади. Ўйин Тошкент вақти билан 23:00 да бошланиши керак. Ушбу учрашув якунида эса биз 2022 йилги Жаҳон чемпионатининг барча иштирокчиларини билиб оламиз.
