“Лацио” ярим ҳимоячиси Сергей Милинкович-Савич кейинги мавсумда ҳам Рим клубида қолиши мумкин. Calciomercato хабарига кўра, потенциал харидорларга сербиялик ярим ҳимоячи учун сўралган маблағ тўсқинлик қилмоқда.
Қайд этилишича, "Лацио" Рим клуби билан шартномаси тугашига атиги бир йил қолган Милинкович-Савич трансфери учун барча манфаатдор клублардан 60 миллион евро талаб қилмоқда. Сербнинг хизматларига Туриннинг "Ювентус" ва "Манчестер Юнайтед" клублари қизиқиш билдирмоқда.
Агар Милинкович-Савич келаси мавсумда ҳам “Лацио”да қолса, бир йилдан кейин у эркин агент сифатида кетиши мумкин.
