Халқаро футбол федерацияси (ФИФА) 2022 йилда Қатарда бўлиб ўтадиган жаҳон чемпионатида ўйиндан ташқари ҳолатни автоматик аниқлаш тизимини жорий этишга яқин турибди, деб ёзади The Guardian.
Hawk-Eye Innovations ФИФАга унинг ўйиндан ташқари ҳолатини аниқлаш технологияси ишга тайёрлигини маълум қилди.
Тизимнинг ишлаш принципи шундаки, у видео арбитр ёрдамчисига тезкор хабар юборади. Шундан сўнг, у ўйиндан ташқари ҳолатда бўлган футболчининг эпизодига таъсир даражаси тўғрисида қарор қабул қилади.
Камералар ва компьютерлар ўйинчилар ва тўпни кузатиб боради ва сунъий интеллект тўп тепилган исталган вақтда ўйинчи офсайдда эканлигини аниқлаши мумкин бўлади.
Қатардаги Жаҳон чемпионати 2022 йилнинг 21 ноябридан 18 декабрига қадар бўлиб ўтади.
