Италиянинг “Палермо” клуби яқин орада City Football Group аъзосига айланиши мумкин, деб хабар беради Sky Sports Italia.
Клуб президенти Дарио Мирри яқинда компания вакиллари билан учрашди ва томонлар келишувга эришди.
Эслатиб ўтамиз, 2019 йилда "Палермо" банкрот деб эълон қилинган, шундан сўнг жамоа Д Серияга тушириб юборилган. Ўтган мавсум якунларига кўра, жамоа Б серияга қайтди.
City Football Group таркибига дунёнинг 10 та футбол клуби киради, улардан энг машҳури "Манчестер Сити" ҳисобланади.