"Брайтон" қанот ҳимоячиси Марк Кукурельянинг вакиллари "Манчестер Сити" билан музокаралар ўтказиш учун Манчестерга йўл олишди, дея хабар беради журналист Фабрицио Романо.
Манбага кўра, яқин кунларда "шаҳарликлар" 23 ёшли испаниялик учун илк расмий таклиф билан чиқишади. Футболчи "Манчестер Сити" бош мураббийи Хосеп Гвардиоланинг асосий мақсади ҳисобланади.
2021/22 йилги мавсумда Кукурелья “Брайтон” сафида 38 та ўйинда 2 та голли узатмани амалга оширди. Transfermarkt.com портали футболчини 28 миллион еврога баҳоламоқда.