“Лилль” ярим ҳимоячиси Ренату Саншеш фаолиятини “ПСЖ”да давом эттиради. Бу ҳақда RMC Sport хабар бермоқда.
Қайд этилишича, парижликлар Саншеш учун 30 миллион евро тўлашга рози бўлишди.
"Милан" атиги 15 миллион тўлашга тайёр эди. "ПСЖ" вакиллари футболчининг атрофидагилар билан йиғилиш ўтказишди.
Эслатиб ўтамиз, Ренату 2016 йилнинг энг яхши ёш футболчиси сифатида Португалия терма жамоасининг Евродаги ғалабасидан сўнг тан олинганди.
Ярим ҳимоячи ўтган мавсумда "Лилль" сафида барча турнирлар доирасида 32 та ўйинда майдонга тушиб, 2 та гол урди ва 5 та голли узатмани амалга оширди.
