"Лацио" "Шахтёр" ярим ҳимоячиси Маркос Антонионинг трансфери бўйича келишиб олди, деб ёзмоқда журналист Николо Скира ўзининг Twitter саҳифасида.
Эртага 22 ёшли бразилиялик тиббий кўрикдан ўтиш учун Римга учиб кетади. Ярим ҳимоячи билан тузилган шартнома 2027 йилгача мўлжалланган. Трансфер суммаси 8 миллион евро ва 2 миллион бонус сифатида бўлади.
Маркос Антонио ўтган мавсумда “Шахтёр” сафида 28 та ўйинда майдонга тушиб, 3 та гол урди ва 1 та голли узатмани амалга оширди.