Норасмий маълумотларга кўра, Россиялик таниқли мутахассис Валерий Непомняший яна Ўзбекистонда фаолият юритиши мумкин. Тошкентнинг “Локомотив” клуби ушбу мураббий билан музокарага киришганлиги ҳақида хабарлар бор. Агар томонлар келишадиган бўлишса, Валерий Кузьмич “Локомотив”нинг бош мураббийига айланади. Яқинда Хорен Оганесян истеъфога чиқарилиши мумкинлиги ҳақида гап-сўзлар тарқалганди.
Эслатиб ўтамиз, Валерий Непомняший учун Ўзбекистон бегона эмас. У 60-йилларда Самарқанднинг “Спартак” жамоаси таркибида майдонга тушган. 2006 йилда эса, “Пахтакор” билан бирга миллий терма жамоамизга ҳам мураббийлик қилганди. Фаолияти давомида Камерун терма жамоасини (1988-90) ва яна Туркия, Корея, Хитой, Япония клубларини бошқарган. Унинг сўнгги мураббийлик фаолияти Россиянинг “Томь” клубида кечганди ва молиявий муаммолар туфайли ўтган йили Томскни тарк этишга мажбур бўлганди.
