Американинг МЛС лигасида ҳаракат қиладиган “Лос-Анжелес Гэлакси” клуби Мадриднинг “Атлетико” клуби собиқ ҳужумчиси Луис Суарес билан шартнома имзолади, дея хабар бермоқда журналист Фабрицио Романо ўз твиттерида.

Манба берган хабарга кўра, эркин агент мақомида бўлган уругвайлик футболчи янги клуби билан бир мавсумлик шартнома имзолаган.

Аввалроқ ҳужумчи хизматларига Италиянинг "Фиорентина" ва "Аталанта" клублари, шунингдек, "Астон Вилла", "Аякс" ва "Ривер Плейт" клублари қизиқиш билдираётгани ҳақида хабар берилганди.

Суарес ўтган мавсумда "Атлетико Мадрид" сафида барча мусобақаларда 45 та ўйинда майдонга тушиб, 13 та гол урди ва 2 та голли узатмани амалга оширди.