"Брюгге" ва Нидерландия терма жамоаси ярим ҳимоячиси Ноа Ланг фаолиятини "Асренал"да давом эттириши мумкин. Бу ҳақда Mundo Deportivo хабар бермоқда.
Қайд этилишича, лондонликлар бош мураббийи Микель Артета агар клуб "Лидс"нинг бразилиялик форварди Рафиньяни қўлга кирита олмаса, "Б режаси"ни тайёрламоқда. Нидерландиялик футболчи "канонирлар" учун яхши вариант бўлиб кўринмоқда.
Аввалроқ, Рафинья "Челси" билан шартнома борасида келишиб олгани ҳақида хабар берилганди. Бразилиялик футболчига Европанинг топ-клублари томонидан талаб катта.
23 ёшли Ланг Бельгия чемпионатида ўтган мавсумда "Брюгге" сафида 15 та голли узатмани амалга оширди ва 9 та гол урди.
