"Ноттингем Форест" клуби "Бёрнли" дарвозабони Уэйн Хеннесси билан шартнома имзолаганини тасдиқлади. 35 ёшли дарвозабон Премьер-лига дебютанти билан икки йиллик шартнома имзолади.
"Ўтмишда мен "Форест" билан кўп марта тўқнаш келганман, у фантастик клуб. Унинг ажойиб мухлислари бор ва уйдаги муҳит Премьер-лигадаги энг яхши муҳитлардан бири”, - деди Хеннесси клуб расмий сайтида.
Ўтиш ҳақида "Ноттингем" бош мураббийи Стив Купер изоҳ берди.
“Уэйн – йиллар давомида ўзини энг юқори савиядаги футболчи сифатида кўрсатган ажойиб дарвозабон. У Уэльсга халқаро майдонда янги чўққиларни забт этишда ёрдам берди ва Премьер-лигада ўйнашда бой тажрибага эга”, - деди Форест устози.
Дарвозабон ўтган мавсумни "Бёрнли"да ўтказди, аммо Премьер-лиганинг иккита ўйинида майдонга тушди ва олтита гол ўтказиб юборди.
