Мадриднинг “Реал” клуби афсонаси Рауль Гонсалесга “Эспаньол” бош мураббийлиги таклиф қилинган ва у рад жавобини берган. Бу ҳақда Marca хабар бермоқда.
Манбага кўра, Рауль мулойим, аммо қатъий жавоб берган. У "қаймоқранглилар" ёшлар жамоаси бош мураббийлигида қолишни танлади. Натижада май ойи охирида "Эспаньол" Диего Мартинесни бош мураббий этиб тайинлади.
2021/22 йилги мавсум якунига кўра, "Эспаньол" Ла Лигада 14-ўринни эгаллади.
Эслатиб ўтамиз, Рауль 1994 йилдан 2010 йилгача "Реал"да ўйнаган. Мадрид клуби таркибида у уч карра Чемпионлар лигаси ғолиби ва олти карра Испания чемпионига айланди.
