"ПСЖ" жамоасининг келаси мавсум учун янги сафар либосини тақдим этди. Либосни Серхио Рамос, Маркиньос, Килиан Мбаппе ва Марко Верраттилар намойиш қилди.
Парижликлар жамоасининг футболкаси оқ рангда тикилган ва тўқ кўк аксанлар билан безатилган. Жамоа 20 июль куни Япониянинг "Кавасаки Фронтале" клубига қарши янгиланган формадаги дебют учрашувини ўтказади.
Лига 1 чемпионига техник жиҳатдан Jordan компанияси ҳомийлик қилади.
Эслатиб ўтамиз, ўтган мавсум охирида Маурисио Почеттино "ПСЖ" бош мураббийлигидан бўшатилди. Бунинг ўрнига жамоани Кристоф Галтье бошқаради.
