Инсайдер Жерар Ромеронинг таъкидлашича, Каталониянинг "Барселона" клуби ҳимоячи Жюль Кунденинг трансфери борасида "Севилья" клуби билан келишиб олган. Манбанинг таъкидлашича, "кўк-анорранглилар" аллақачон Андалусия клуби спорт директори Рамон Мончига имзолаш учун ҳужжатларни юборган.
Шу билан бирга, аввалроқ бошқа манбалар Кунде "Барселона"дан кўра "Челси"га ўтишга яқинроқ эканини айтишганди. Шунингдек, "Севилья" "Челси" билан якуний трансфер тафсилотлари, жумладан, тўлов шартлари ва келажакдаги бонуслар ҳақида музокара олиб бораётгани ҳақида миш-мишлар тарқалди.
Эслатиб ўтамиз, Кунде айни дамда Португалияда бўлиб, у ерда "Севилья" билан мавсумолди йиғинида шуғулланмоқда.
