Insayder Jerar Romeroning ta’kidlashicha, Kataloniyaning "Barselona" klubi himoyachi Jyul Kundening transferi borasida "Sevilya" klubi bilan kelishib olgan. Manbaning ta’kidlashicha, "ko‘k-anorranglilar" allaqachon Andalusiya klubi sport direktori Ramon Monchiga imzolash uchun hujjatlarni yuborgan.
Shu bilan birga, avvalroq boshqa manbalar Kunde "Barselona"dan ko‘ra "Chelsi"ga o‘tishga yaqinroq ekanini aytishgandi. Shuningdek, "Sevilya" "Chelsi" bilan yakuniy transfer tafsilotlari, jumladan, to‘lov shartlari va kelajakdagi bonuslar haqida muzokara olib borayotgani haqida mish-mishlar tarqaldi.
Eslatib o‘tamiz, Kunde ayni damda Portugaliyada bo‘lib, u yerda "Sevilya" bilan mavsumoldi yig‘inida shug‘ullanmoqda.
