Fransiya va Ispaniya terma jamoalari jahon chempionati yarim finalida to‘qnash keladi. «Qizil furiya» vingeri Lamin Yamal agar bu juftlikda kimdir qo‘rqishi kerak bo‘lsa, ular fransuzlar ekanini aytib, keskin bayonot bergan edi. Yamalning so‘zlariga «uch ranglilar» himoyachisi Ibraima Konate javob qaytardi.
«Yamalning so‘zlarimi? U xohlagan narsasini gapirishi mumkin. Biz eng yaxshi tarzda tayyorgarlik ko‘ramiz, o‘yin oxirida esa kimning ishi o‘xshaganini ko‘ramiz.
Ispaniyadan qo‘rqamizmi? Yo‘q, yo‘q, yo‘q. Ochig‘ini aytganda, biz kim nima deyayotganiga e’tibor qaratmaymiz. Biz hech kimdan qo‘rqmasligimiz kerak. Bunday qopqonga tushib qolmasligimiz lozim, ayniqsa turnirning bu bosqichida», — deya Konatening so‘zlaridan iqtibos keltiradi The Touchline.
Fransiya va Ispaniya terma jamoalari o‘rtasidagi bahs 14 iyul kuni bo‘lib o‘tadi.
