Ўзбекистонлик яккакурашчи Маҳмуд Муродов (25-7) навбатдаги жангини UFC 280 турнирида ўтказади.

Абу-Дабида бўлиб ўтадиган мусобақада Муродовга бразилиялик Кайо Борральо рақиблик қилади. Бу ҳақида спортчининг ўзи Instagram саҳифасида маълум қилди. UFC 280 турнири 22 октябрь куни бўлиб ўтади.

Турнирнинг асосий жангги енгил вазн тоифасидаги Ислом Махачев ва Чарльз Оливейра ўртасида кечади. Енгил вазн тоифасида собиқ UFC чемпиони Пётр Ян ҳам ушбу турнирда америкалик Шон O’Мэллига қарши октагонга чиқади. Шунингдек, MMA жангчиси Зубайра Тухугов Лукас Алмейда қарши жанг қилади.

Аввалроқ Маҳмуднинг Париж шаҳрида ўтказиладиган UFC Fight Night мусобақасидаги Абусуфён «Абус» Магомедовга қарши жанги бекор қилингани хабар қилинганди.

Эслатиб ўтамиз, Муродов охирги жангини 2021 йилнинг август ойида Жеральд Миршертга (33-14) қарши ўтказиб, UFC’даги илк мағлубиятини қабул қилиб олганди.

Маълумот учун, Муродов UFC’даги дебют жангида италиялик Алессио ди Кирикони (13-5) очколар ҳисобига кўра, иккинчи жангида Тревор Смит (15-10), учинчисида эса Эндю Санчесни (12-6) нокаут эвазига мағлубиятга учратганди.